ព័ត៌មានអំពីស្មាតម៉ាត

ស្មាតម៉ាតគឺជាហាងដែលមានលក់សម្ភារជាច្រើនប្រភេទដែលផ្ដល់ភាពងាយស្រួលដល់លោកអ្នក។ ស្មាតម៉ាតជាផ្នែកមួយនៃសេវាកម្មរបស់ ម៉េងលី ជេ. គួច អេឌ្យូខេសិន ដែលបម្រើសេចក្ដីត្រូវការរបស់សិស្សរបស់យើង។ វាជាកន្លែងដែលសិស្សអាចទិញនូវសម្ភារសិក្សាសម្រាប់ការសិក្សារបស់ពួកគេក្នុងតម្លៃសមរម្យ។ ស្មាតម៉ាតមានលក់របស់របរមួយចំនួនដូចជាសម្ភារការិយាល័យ ប្រដាប់ប្រដាក្មេងលេង អាហារសម្រន់ ភេសជ្ជៈ និងផលិតផលផ្សេងៗជាច្រើន។ ល ។ ស្មាតម៉ាតរបស់យើងក៏មានលក់របស់របរប្លែកៗថ្មីៗប្រកបដោយភាពរីករាយ និងទាន់សម័យដែលត្រូវបានជ្រើសរើសដោយគណៈកម្មាធិការសាលារបស់យើង។

យើងមានក្រុមការងារដើម្បីត្រួតពិនិត្យគុណភាពផលិតផល និងធ្វើការស្ទាបស្ទង់តម្លៃយ៉ាងទៀតទាត់ដើម្បីប្រាកដថា សិស្សរបស់យើងទទួលបានផលិតផលដែលមានគុណភាពល្អបំផុតជាមួយនឹងតម្លៃទាប។ យើងធានាថាអាហារ និងភេសជ្ជៈគ្រប់ប្រភេទដែលលក់នៅស្មាតម៉ាត គឺផ្ដល់នូវសុខភាពល្អ និងមានសណ្តាប់ធ្នាប់ ដើម្បីបំពេញតាមស្ដង់ដារដែលជាមូលដ្ឋាននៃអនាម័យ។ យើងតែងតែយកចិត្តទុកដាក់ចំពោះសុខុមាលភាពរបស់សិស្សានុសិស្ស។

តើមានអ្វីពិសេសអំពីស្មាតម៉ាត?

• គុណភាពផលិតផល និងតម្លៃសមរម្យ សម្រាប់សិស្ស លោកគ្រូ អ្នកគ្រូ និងបុគ្គលិករបស់យើង។
• អាហារ ភេសជ្ជៈ និងផលិតផលផ្សេងៗទៀតដែលមានជាតិស្ដរ អំបិល អាហារថាមពលខ្ពស់និងខ្លាញ់ខ្ពស់ និងអាហារដែលមានសារធាតុទុកឱ្យបានយូរ ដូចជាមី មិនត្រូវបានអនុញ្ញាតលក់ជូនក្មេងៗដែលមិនទាន់គ្រប់អាយុឡើយ។
• យើងនាំចូលអាហារ និងភេសជ្ជៈដែលមានផ្ដល់នូវជីវជាតិខ្ពស់ជាច្រើនប្រភេទដូចជា ទឹកផ្លែឈើ ឬភេសជ្ជៈដែលមានជាតិទឹកដោះគោ ទឹកដោះគោជូរ និងសណ្ដែកដែលជួយដល់ការអភិវឌ្ឈខួរក្បាស់របស់សិស្ស។
• អាហារ និងភេសជ្ជៈដែលប៉ះពាល់ដល់សុខភាពសិស្ស គឺត្រូវបានហាមឃាត់ និងមិនត្រូវបានអនុញ្ញាតឱ្យលក់ឡើយ។

បុគ្គលិកផ្នែកលក់របស់យើងត្រូវតែគោរពតាមច្បាប់ដូចខាងក្រោម៖

• មិនលក់ភេសជ្ជៈប៉ូវកម្លាំង ឬអាហារដែលមានកូលេស្តេរ៉ុលខ្ពស់ដល់ក្មេងមិនទាន់គ្រប់អាយុ។
• មានសុជីវធម៌ និងសុភាពរាបសាដល់អតិថិជនទាំងអស់។
• សូមឱ្យអតិថិជនត្រូវតម្រង់ជួរ។
• ត្រូវប្រាកដថាមិនមានអ្នកបន្លំយកទំនិញពីក្នុងស្មាតម៉ាត
• ត្រូវរៀបចំ និងរក្សាហាងឱ្យមានរបៀបរៀបរយ និងមានភាពទាក់ទាញគ្រប់ពេលវេលា។
• នៅពេល​ដឹកទំនិញ​មកដល់​ ត្រូវ​ពិនិត្យ​ឱ្យ​បាន​ត្រឹមត្រូវ​។