ចាប់ផ្តើមបន្តការសិក្សានៅទូទាំងសកលលោកដោយទំនុកចិត្តជាមួយនឹង SOGO ជាដៃគូដែលអ្នកអាចទុកចិត្ត​ក្នុងការអប់រំបែបអន្តរជាតិ។

ការប្តេជ្ញាចិត្តរបស់យើង

នៅ ​SOGO យើងយល់យ៉ាងច្បាស់ថា ការសម្រេចចិត្តទៅសិក្សានៅក្រៅប្រទេសគឺជារឿងសំខាន់ខ្លាំងណាស់។ ហេតុដូច្នេះហើយបានជាក្រុមការងារយើងយកចិត្តទុកដាក់ ក្នុងការណែនាំអ្នកដើម្បីឱ្យទទួលបានជោគជ័យគ្រប់ជំហាន។ រាប់ចាប់ពីការជ្រើសរើសវគ្គសិក្សា កម្មវិធីសិក្សា និងស្ថាប័នអប់រំ ដល់ការដាក់ពាក្យសើ្នសុំទិដ្ឋាការ ហើយត្រូវធានាឱ្យបានថា ការធ្វើដំណើររបស់អ្នកទៅកាន់ប្រទេសដែលត្រូវសិក្សាប្រកបទៅដោយសុវត្ថិភាព។ យើងនៅទីនេះជួយគាំទ្រអ្នកជានិច្ច។ សេវាកម្មដ៏សម្បូរបែបរបស់យើងអាចជួយសម្រួលតាមគ្រប់តម្រូវការរបស់សិស្សានុសិស្ស និងអ្នកអាណាព្យា បាល។

ប្រវត្តិរបស់យើង

SOGO គឺជាផ្នែកមួយរបស់ក្រុមហ៊ុន ម៉េងលី ជេ. គួច អេឌ្យូខេសិន (MJQE) ដែលផ្តល់សេវាអប់រំឈានមុខ គេនៅកម្ពុជា។ ជាមួយនឹងបទពិសោធជាង២០ឆ្នាំក្នុងការផ្ដល់សេវាដល់សិស្សានុសិស្សជាង ២៤,០០០នាក់ និងអតីតសិស្ស ១៥០,០០០នាក់ SOGO នាំមកនូវជំនាញឯកទេសដែលមិន អាចប្រៀបផ្ទឹមបានមកជូនលោកអ្នក។ យើងផ្តល់ជូននូវដំណោះស្រាយដ៏សម្បូរបែប សម្រាប់សេវាកម្មទៅសិក្សានៅបរទេស រួមទាំងដំណើរទស្សន កិច្ចសិក្សានៅក្រៅប្រទេស វគ្គសិក្សាខ្លីៗ និងកម្មវិធីជាច្រើនទៀត។

ដៃគូរបស់យើង

យើងផ្តល់អាទិភាពលើការកសាងទំនាក់ទំនងដ៏ល្អជាមួយដៃគូសហការនៅក្រៅប្រទេសដើម្បីឈ្វេងយល់ឱ្យកាន់តែច្បាស់អំពីសេចក្តីត្រូវការ និងតម្រូវការចាំបាច់របស់សិស្សានុសិស្ស។ តាមរយៈកិច្ចសហប្រតិបត្តិការសហការជាមួយ Adventus.io, EducationUSA និងសេវាកម្មផ្លាស់ប្តូរវប្បធម៌ អន្តរជាតិ(ICES) យើងធានាបានថាសិស្សានុសិស្សនឹងទទួលបានឱកាសសិក្សា​​ជាច្រើននៅទូទាំងពិភពលោក។

អំពីដៃគូរបស់យើង

Adventus.io មានដៃគូសាកលវិទ្យាល័យ និងមហាវិទ្យាល័យជាង ១,៣០០កន្លែង នៅទូទាំងសកលលោក និងប្រើប្រាស់វិធីសាស្ត្រទំនើបដើម្បីផ្គូផ្គងចំណង់ចំណូលចិត្ត ប្រវត្តិសិក្សា ទៅនឹងគោល​ដៅអា​ជីពរបស់សិស្សានុសិស្សម្នាក់ៗ។ EducationUSA និង ICES បានប្តេជ្ញាចិត្តក្នុងការលើកកម្ពស់ការអប់រំ ការផ្លាស់ប្តូរវប្បធម៌អន្តរជាតិ និងបង្កើនបទពិសោធអប់រំសម្រាប់ សិស្សានុសិស្សទូទាំងពិភពលោក។

សេវាកម្មដ៏សម្បូរបែប

បន្ថែមលើការជ្រើសរើសសាកលវិទ្យាល័យដែលល្អ SOGO បានផ្តល់ជូនសេវាកម្មជាច្រើនដើម្បីជួយសម្រួលទៅដល់ការសិក្សានៅក្រៅប្រទេសរបស់សិស្សានុសិស្សឱ្យកាន់តែមានភាពងាយស្រួល រាប់ចាប់តាំងពីការរៀបចំទិដ្ឋាការ ការបកប្រែឯកសារ និងរៀបចំឯកសារផ្សងៗទៀត។ យើងផ្តល់ជូននូវដំណោះស្រាយដ៏សម្បូរបែបសម្រាប់តម្រូវការ​​​ សិក្សានៅក្រៅប្រទេស។

ដំណើរទស្សនកិច្ចសិក្សានៅក្រៅប្រទេស និងការរៀនវគ្គ សិក្សាខ្លីៗ

SOGO មានរៀបចំដំណើរទស្សនកិច្ចសិក្សានៅក្រៅប្រទេស និងមានផ្ដល់វគ្គជំនាញសិក្សាខ្លីៗ ដើម្បីផ្តល់ជូនសិស្សានុសិស្សនូវបទពិសោធសិក្សា ព្រមទាំងឱកាសឈ្វេងយល់អំពីវប្បធម៌របស់ប្រទេសផ្សេងៗ។ កម្មវិធីសិក្សាទាំងអស់នេះបានបង្កើនការយល់ដឹង និងធ្វើឱ្យទស្សនវិស័យរបស់ពួកគេកាន់តែទូលំទូលាយ។

អ្វីដែលធ្វើឱ្យយើងប្លែកពីគេ

នៅ SOGO យើងទៅលើសពីការសិក្សាទៅទៀត។ យើងបង្ហាញជាសង្ខេបអំពី ស្ថាប័នអប់រំដែលផ្ដល់តម្លៃលើបរិយាបន្ន ភាពចម្រុះ និងការចូលរួមក្នុងសហគមន៍។ ធនធានរបស់យើងបង្ហាញពីសាកលវិទ្យាល័យដែលមានវប្បធម៌ល្អ សេវាកម្មគាំទ្រនិស្សិតដ៏ល្អ និងឱកាសក្រៅកម្មវិធីសិក្សាសម្បូរបែប ព្រមទាំងផ្តល់សិទ្ធិអំណាចដល់និស្សិត ក្នុងការសម្រេចចិត្តដ៏ត្រឹមត្រូវនៅក្នុងថ្នាក់រៀន។

ខ្លឹមសាររួម

ចាប់ពីវគ្គបណ្តុះបណ្តាលខ្លីៗរហូតដល់ដំណើរទស្សនកិច្ចសិក្សានៅក្រៅប្រទេស និងកម្មវិធីផ្លាស់ប្តូរការសិក្សានៅថ្នាក់វិទ្យាល័យ SOGO ប្តេជ្ញាធ្វើឱ្យការផ្ដល់សេវាកម្មសិក្សាប្រកបដោយគុណភាពដល់សិស្សានុសិស្សទាំងអស់នៅជុំវិញពិភពលោក។ ជ្រើសរើស SOGO ដើម្បីទទួលបានបទពិសោធសិក្សានៅក្រៅប្រទេសដោយរលូន និងជាកន្លែងដែលការសិក្សាបែបផ្លាស់ប្ដូររបស់អ្នកចាប់ផ្តើម។

 

Visit Website