មជ្ឈមណ្ឌលសុខភាពសិស្ស ម៉េងលី ជេ. គួច

ព័ត៌មានអំពីមជ្ឈមណ្ឌលសុខភាពសិស្ស ម៉េងលី ជេ. គួច

មណ្ឌលសុខភាពសិស្ស ម៉េងលី ជេ. គួច បង្កើតឡើងក្នុងឆ្នាំ 2005 ក្នុងគោលបំណងផ្តល់នូវសេវាថែទាំសុខភាពដែលប្រកបដោយគុណភាព ប្រសិទ្ធភាពខ្ពស់ ភាពងាយស្រួល តម្លៃសមរម្យនៅក្នុងជីវភាពរស់នៅប្រចាំថ្ងៃ ដែលធ្វើឱ្យលោកអ្នកទទួលបាននូវការថែរក្សាសុខភាពប្រកបដោយសុខុមាលភាព ភាពកក់ក្តៅ និងមានទំនុកចិត្តពេលបុត្រាបុត្រីលោកអ្នកកំពុងសិក្សាលោកអ្នក អាចជឿទុកចិត្តលើការថែទាំសុខភាពបឋមសម្រាប់អ្នក និងគ្រួសាររបស់អ្នកជាមួយក្រុមវេជ្ជបណ្ឌិត និងក្រុមវេជ្ជសាស្ត្រទាំងអស់ដែលមានសមត្ថភាព និងបទពិសោធន៍ច្រើនឆ្នាំក្នុងការថែទាំសុខភាពនៅក្នុងមណ្ឌលសុខភាពរបស់យើងខ្ញុំ។

“ការការពារ ប្រសើរជាងការព្យាបាល”។ មជ្ឈមណ្ឌលសុខភាពសិស្ស ម៉េងលី ជេ. គួច ក៏ផ្តល់ការអប់រំ និងការពិគ្រោះយោបល់ទាក់ទងនឹងសុខមាលភាពសិស្ស និងបុគ្គលិកដើម្បីការការពារការនៃជំងឺ និងជំរុញការអនុវត្តសុខភាពល្អនៅកម្ពុជា។

សេវាថែទាំសុខភាព

  • ការពិគ្រោះ និងព្យាបាលជាមួយវេជ្ជបណ្ឌិត ដែលមានជំនាញច្បាស់លាស់និងបទពិសោធន៍ច្រើនឆ្នាំ។
  • ការសម្រាកព្យាបាល និងថែទាំពីគិលាននុបដ្ឋាយិកាប្រកបដោយវិជ្ជាជីវៈ និងសេចក្តីថ្លៃថ្នូរ។
  • ការផ្តល់ជូនលិខិតពេទ្យសម្រាប់ការសម្រាកពេលមានជំងឺ។
  • មន្ទីរពិសោធ។
  • ការវះកាត់លក្ខណៈស្រាល។
  • ការផ្តល់ថ្នាំ និងបរិក្ខារពេទ្យ។
  • ការពិនិត្យសុខភាពប្រចាំឆ្នាំ។

សេវាកម្មក្នុងមន្ទីពិសោធ

  • រាប់គ្រាប់ឈាម និងពិនិត្យក្រុមឈាម។
  • ពិនិត្យរកមេរោគគ្រុនពោះរៀន។
  • ពិនិត្យលាមក។
  • ពិនិត្យរកមេរោគ HIV។
  • ពិនិត្យជាតិស្ករក្នុងឈាម។
  • ពិនិត្យមុខងារខ្លាញ់ក្នុងឈាម។
  • ពិនិត្យមុខងារថ្លើមក្នុងឈាម។
  • ពិនិត្យរកមេរោគរលាកក្រពះ។
  • ពិនិត្យមុខងារតម្រងនោម។
  • ពិនិត្យរកមេរោគផ្តើម បេ និងមេរោគថ្លើម សេ។
  • ការវិភាគទឹកនោម។ល។

មជ្ឈមណ្ឌលសុខភាពសិស្ស ម៉េងលី ជេ. គួច មានប្រាំមួយទីតំាំង ហើយឋិតនៅអាសយដ្ឋានដូចខាងក្រោម៖

  • សាខាម៉ៅសេទុង : អាគារលេខ២៩ ផ្លូវលេខ១៨៧ សង្កាត់ទំនប់ទឹក ខណ្ឌបឹងកេងកង រាជធានីភ្នំពេញ ព្រះរាជាណាចក្រកម្ពុជា
  • សាខាទួលគោក : អាគារលេខ២៦ ផ្លូវលេខ២៨៩ សង្កាត់បឹងកក់១ ខណ្ឌទួលគោក រាជធានីភ្នំពេញ ព្រះរាជាណាចក្រកម្ពុជា
  • សាខាចាក់អង្រែ : អាគារលេខ៨២៤ ផ្លូវជាតិលេខ២ សង្កាត់ចាក់អង្រែ ខណ្ឌមានជ័យ រាជធានីភ្នំពេញ ព្រះរាជាណាចក្រកម្ពុជា
  • សាខាចោមចៅ : អាគារលេខ២២២-៥២០ ផ្លូវវេងស្រេង សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ ព្រះរាជាណាចក្រកម្ពុជា
  • សាខាផ្សារថ្មី : អាគារលេខ១សេ-១៣ដេ ផ្លូវ៥៣-កែងផ្លូវ១៥៤ សង្កាត់ផ្សារថ្មី ខណ្ឌដូនពេញ រាជធានីភ្នំពេញ ព្រះរាជាណាចក្រកម្ពុជា
  • សាខាជ្រោយចង្វារ : អាគារលេខ១៥៨JKLM ផ្លូវជាតិលេខ៦ សង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ ព្រះរាជាណាចក្រកម្ពុជា

** ម៉ោង និងថ្ងៃធ្វើការ៖

មជ្ឈមណ្ឌល​សុខភាព​សិស្ស​ ម៉េ​ងលី​ ជេ​. គួច​ បើក​ដំណើរការ​រៀងរាល់ថ្ងៃ​ធ្វើការ​លើកលែងតែ​ថ្ងៃអាទិត្យ​ និង​បុណ្យជាតិ​នានា​។

ថ្ងៃចន្ទ ដល់សៅរ៍

ព្រឹក​ពី​ម៉ោង​៧:៣០នាទី​ ដល់​ ម៉ោង​១១:៣០​នាទី​
ថ្ងៃត្រង់​ពីម៉ោង​​០១:០០នាទី​ ដល់​ ម៉ោង​០៥:៣០​នាទី