យើងខ្ញុំមានកិត្តិយសសូមជម្រាបជូនសាធារណជនថា ក្រុមហ៊ុន ម៉េងលី ជេ. គួច អេឌ្យូខេសិន ម.ក បានទទួលការអនុញ្ញាតពីនិយ័តករមូលបត្រកម្ពុជា សម្រាប់ការបោះផ្សាយលក់មូលបត្រកម្មសិទ្ធិលើកដំបូងជាសាធារណៈនៅថ្ងៃទី០៤ ខែមេសា ឆ្នាំ២០២៣។

របៀបក្លាយជាម្ចាស់ភាគហ៊ុន MJQE

ព័ត៌មានសំខាន់ៗសម្រាប់ការបោះផ្សាយលក់មូលបត្រកម្មសិទ្ធិលើកដំបូងជាសាធារណៈ និងសម្រាប់ការធ្វើបរិវិសកម្ម អាចរកបាននៅក្នុងសេចក្តីប្រកាសនេះ៖

ក្រុមហ៊ុនបោះផ្សាយ	ម៉េងលី ជេ. គួច អេឌ្យូខេសិន ម.ក
ក្រុមហ៊ុនធានាទិញមូលបត្រ	អ អេច ប៊ី ស៊ីឃ្យួរឹធី (ខេមបូឌា) ម.ក
ចំនួនភាគហ៊ុន IPO	19,606,600 ភាគហ៊ុនធម្មតា
តម្លៃ IPO	2,080៛ ឬ 0.51$
ភាគលាភ	6% ក្នុង១ឆ្នាំ រយៈពេល២ឆ្នាំ

	កាលបរិច្ឆេទចាប់ផ្តើមទទួលពាក្យ	កាលបរិច្ឆេទឈប់ទទួលពាក្យ*
សម្រាប់វិនិយោគិនដែលបានធ្វើការស្នើសុំបម្រុងទុក	ម៉ោង ៨:០០ព្រឹក ថ្ងៃទី១០ ខែមេសា ឆ្នាំ២០២៣	ម៉ោង ៤:៣០រសៀល ថ្ងៃទី២៨ ខែមេសា ឆ្នាំ២០២៣
សម្រាប់វិនិយោគិនសាធារណៈទូទៅ	ម៉ោង ៨:០០ព្រឹក ថ្ងៃទី១០ ខែមេសា ឆ្នាំ២០២៣	ម៉ោង ៤:៣០រសៀល ថ្ងៃទី០៩ ខែមិថុនា ឆ្នាំ២០២៣

កាលបរិច្ឆេទចុះបញ្ជី

ថ្ងៃទី២៨ ខែមិថុនា ឆ្នាំ២០២៣*

ការធ្វើបរិវិសកម្មសម្រាប់វិនិយោគិនដែលជារូបវន្តបុគ្គល ត្រូវធ្វើការស្នើសុំតាមរយៈទម្រង់អនឡាញខាងក្រោម៖

សម្គាល់ ៖ * អាស្រ័យលើការអនុម័តជាមុនពីសំណាក់និយ័តករមូលបត្រកម្ពុជា ក្រុមហ៊ុនធានាទិញមូលបត្រ និងក្រុមហ៊ុនបោះផ្សាយ អាចនឹងសម្រេចធ្វើការផ្លាស់ប្តូរកាលបរិច្ឆេទឈប់ទទួលពាក្យស្នើសុំធ្វើបរិវិសកម្មជាសាធារណៈ ព្រមទាំងកាលបរិច្ឆេទចុះបញ្ជី តាមរយៈការប្រកាសជាសាធារណៈក្នុងរយៈពេល ប្រាំ (៥) ថ្ងៃ មុនកាលបរិច្ឆេទឈប់ទទួលពាក្យ។

វិនិយោគគិនត្រូវបានណែនាំឲ្យអាន និងយល់ពីខ្លឹមសារនៃឯកសារផ្តល់ព័ត៌មាន ជាពិសេសព័ត៌មានលំអិតពាក់ព័ន្ធនឹងកត្តាហានិភ័យ មុននឹងសម្រេចធ្វើបរិវិសកម្មលើភាគហ៊ុន IPO។

សេចក្តីប្រកាសនេះ មានគោលបំណងផ្តល់ព័ត៌មានតែប៉ុណ្ណោះ ហើយមិនត្រូវបានបង្កើត ឬបង្កើតជាផ្នែកណាមួយ សម្រាប់ធ្វើការអញ្ជើញ ឬសម្រាប់ធ្វើការស្នើសុំ ឲ្យធ្វើបរិវិសកម្មលើភាគហ៊ុន IPO នោះទេ។