ការអប់រំគឺជាវិស័យដែលត្រូវការបំផុត។ យើងអាចនិយាយបានថាវាជាគ្រឹះ និងឆ្អឹងខ្នងសម្រាប់សេដ្ឋកិច្ចរបស់ប្រទេសជាតិ និងវិស័យផ្សេងទៀតដែលនឹងនាំឱ្យប្រទេសទាំងមូលមានសន្តិភាព និងការអភិវឌ្ឍ។

ខណៈពេលដែលក្រុមហ៊ុន ម៉េងលី ជេ. គួច អេឌ្យូខេសិន កំពុងមានការរីកចម្រើនខ្លាំងឡើងៗ គោលបំណងរបស់ក្រុមហ៊ុនមួយនេះ គឺដើម្បីផ្តល់សិទ្ធិ និងជំរុញភាពអង់អាចក្លាហានដល់សិស្សានុសិស្សរបស់ខ្លួន ដើម្បីឱ្យពួកគាត់សម្រេចគោលដៅសិក្សា និងអាជីពនាពេលអនាគត។ ក្រុមហ៊ុន ម៉េងលី ជេ. គួច អេឌ្យូខេសិន គឺជាក្រុមហ៊ុន ដែលផ្ដល់សេវាកម្មអប់រំ និងមានបុត្រសម្ពន្ធគឺ សាលារៀន អន្តរទ្វីប អាមេរិកាំង មជ្ឈមណ្ឌលភាសា អេ អាយ អាយ ស្ថាប័នផ្ដល់សេវាកម្មក្នុងការនាំសិស្សទៅសិក្សានៅក្រៅប្រទេស SOGO និងកម្មវីធីសិក្សាអនឡាញ i-Learn ។ ស្ថាប័នទាំងនេះ ផ្តល់ជូននូវកម្មវិធីជាច្រើនចាប់ពីថ្នាក់មត្តេយ្យរហូតដល់កម្មវិធីស្រាវជ្រាវថ្នាក់សាកលវិទ្យាល័យ។

គោលដៅចំបងរបស់យើងគឺលើកកម្ពស់វិស័យអប់រំនៅកម្ពុជា ព្រោះយើងទាំងអស់គ្នាដឹងថាការអប់រំគឺជាវិស័យស្នូលមួយដែលអាចផ្លាស់ប្តូរជីវិតរបស់យើងឱ្យកាន់តែប្រសើរឡើងពីមួយកម្រិតទៅមួយកម្រិត។ ក្រុមហ៊ុន ម៉េងលី ជេ. គួច អេឌ្យូខេសិន ជឿជាក់ថាចំណេះដឹងពិតប្រាកដ គឺពិតជាមិនអាចកាត់ថ្លៃបានទេ ពីព្រោះវាជួយសិស្សានុសិស្សមានភាពក្លាហាន និងបណ្តុះការគិតស៊ីជម្រៅឱ្យបានច្រើន។ ដូច្នេះការវិនិយោគលើការអប់រំរបស់មនុស្សជំនាន់ក្រោយ គឺជាអ្វីដែលយើងបាននឹងកំពុងយកចិត្តទុកដាក់ខ្លាំងបំផុត។